Heyrnarþjónusta 

• Hjá Heyrn er veitt alhliða þjónusta til að bæta úr heyrnarskerðingu undir faglegri ábyrgð Ellisifjar Björnsdóttur, heyrnarfræðins.
• Starfsfólk Heyrnar leggur sig fram um að veita sem besta þjónustu og allur aðbúnaður og mælitæki eru ný og fyrsta flokks.
• Í boði er fjölbreytt úrval danskra, gæðaheyrnartækja sem eiga að uppfylla þarfir flestra sem þurfa á heyrnartækjum að halda.

Heyrnartæki

• Heyrnartækin eru frá ReSound sem er eitt stærsta fyrirtækið á sínu sviði og það er nafntogað fyrir að vera í fararbroddi við að þróa og hanna heyrnartæki.
• Bjóðum fimm tegundir og margar gerðir af hverri tegund þannig að hver og einn getur fundið tæki við sitt hæfi.
  • AZURE eru einstök tæki sem gefa eðlilega heyrn.
  • Dot eru fíngerðustu tækin sem fást í dag.
  • Pulse eru öflug tæki með vindvörn og hleðslurafhlöður.
  • Ziga er ný tegund heyrnartækja en í þeim er notuð samefling til að bæta virkni og þrefalda endingartíma rafhlaðna.
  • Plus5 eru hagkvæm, góð tæki með fjölbreytta eiginleika.
• Lánum tæki, sem ekki eru sérsmíðuð, til reynslu í nokkra daga.

Þjónusta

• Lögð er áhersla á:
• nákvæma heyrnargreiningu,
• persónulega ráðgjöf,
• skjóta afgreiðslu heyrnartækja,
• nákvæma leiðsögn við notkun heyrnartækja og eftirfylgni,
• að nota heyrnarhermi til að hjálpa aðstandendum við að setja sig i spor þess sem mælist með skerta heyrn,
• heyrnarvernd,
• fjölbreytt úrval stoðtækja fyrir heyrnarskerta

Azure er háþróað heyrnartæki frá ReSound.

Hugmyndin að baki Azure heyrnartækinu er að heyrn með því verði eins eðlileg og frekast er unnt. Kristaltær tónn án takmarkana og ama fyrir notandann – rétt eins og hann á að vera.
Azure flokkar ekki það sem notandinn fær að heyra og takmörkuð stærð tölvuforrita afmarkar ekki hljóðvinnslu þess. ReSound Azure styður við eðlilega heyrn notandans og hans eðlilegu réttindi að ráða því sjálfur hvað og hvernig hann vill heyra.

AZURE EFLIR HEYRN Á EÐLILEGAN HÁTT

Eðlileg stefnuvirkni

Eðlileg stefnuvirkni byggir á niðurstöðu fjölþættra rannsókna á því hvernig mannsheilinn vinnur úr hljóðum sem eyrun nema. Heilinn heldur vöku sinni yfir hljóðum sem berast úr öllum áttum. Azure heyrnatækin nýta þá staðreynd að heilinn hefur óviðjafnanlega hæfileika til að nema og raða um leið í forgang hljóðum sem berast úr hvaða átt sem er með því að nota annað eyrað til að halda uppi samræðum meðan hitt er á vakt eftir öllum hljóðum.

Eðlileg mögnun

Við þróun ReSound Azure hefur verið tekið fullt tillit til þess að við skynjum hljóð, hljóðstyrk og hávaða hvert á sinn hátt. Það hefur verið þróað nýtt kerfi sem nefnt er hljóðumhverfisbestun.

Árangur hljóðumhverfisbestunar er heyrnartæki með frábæra talgreiningu og þægilegheit í hvaða hljóðumhverfi sem er, nákvæma stillingu að heyrnarskerðingu notandans og það fellur að einstaklingsbundnum kröfum hans.

Eðlileg hljóðgæði

Í ReSound Azure er ný kynslóð af hinum óviðjafnanlega endurómunarhemli sem gerir notkun tækja þægilegri og þau geta magnað meira.

ReSound var frumkvöðull í gerð opinnar tengingar með ReSoundAIR heyrnartækinu og heldur forskoti á því sviði. Notendur eru mun fljótari að venjast heyrnartækjunum með opinni tengingu en þeim sem fylla upp í hlustina.

Eðlilegt í notkun

ReSound Azure er fyrsta heyrnartækið með þráðlaust símtól.

Hönnuðir hjá ReSound telja að það eigi að vera einfalt að nota heyrnartæki, þess vegna vorum þeir fyrstir á markað með vistvæn, hlaðanleg heyrnartæki.

Nánari upplýsingar hjá Heyrn 534-9600

Þjónusta með faglegri ábyrgð heyrnarfræðings

Hjá Heyrn er áhersla lögð á:

• faglega heyrnargreiningu,
• persónulega ráðgjöf,
• skjóta afgreiðslu heyrnartækja,
• nákvæma leiðsögn við notkun heyrnartækja,
• að uppfylla þarfir hvers og eins með fjölbreyttu úrvali heyrnartækja og að forritun þeirra sé sniðin að heyrnarskerðingu viðkomandi,
• að þeir sem eru að reyna ný heyrnartæki, sem ekki eru sérsmíðuð, fái þau lánuð í nokkra daga án skuldbindingar til að fá úr því skorið hvernig þau henti,
• að bjóða aðeins bestu og nýjustu heyrnartækin frá danska fyrirtækinu ReSound:
  • AZURE, gefa kristaltæra, eðlilega heyrn,
  • Dot, eru svo smágerð að þau sjást varla,
  • Pulse, eru hönnuð fyrir útivist,
  • Plus5, eru ódýr góð tæki.

Óskir fólks um heyrnartæki eru mismunandi og það er háð tegund heyrnarskerðingar hvað hentar hverjum og einum.
Það getur í sumum tilvikum verið flókið og tekið tíma að átta sig á þeim upplýsingum sem heyrnarmæling gefur og einnig þarf tíma til að venjast heyrnartækjum. Því er mikilvægt að koma í eftirlit eftir að heyrnartæki hafa verið notuð í nokkurn tíma.
Upplýsingar til aðstandenda geta skipt sköpum fyrir þann heyrnarskerta þess vegna er mælt með að einhvern nákominn komi með til heyrnarfræðingsins

Heyrirðu ekki lengur fuglana syngja?

20% fólks á aldrinum 40 til 60 ára eru heyrnarskert á einn eða annan hátt. Ótrúlega margir í þessum hópi vita ekki af heyrnarskerðingunni eða halda að sá vandi, sem þeir verða varir við, stafi af einhverju öðru.Hafir þú ekki heyrt fuglana syngja undanfarið getur það stafað af heyrnarskerðingu. Þú getur að sjálfsögðu tekið þá afstöðu að af því þurfi ekki að hafa áhyggjur. Óháð því hversu mikil heyrnarskerðingin er mun koma í ljós að lífsgæði þín batna verulega ef þú gerir eitthvað strax við því.

Heyrnarskerðing hefur margs konar vanda í för með sér:

Þú heyrir ekki í dyrabjöllunni, missir af mikilvægum upplýsingum á fundum, tapar þræði í samræðum o.fl. Það getur þýtt að mörg hljóð hafa horfið – þytur í laufi, fuglasöngur, barnshjal – hljóð sem gefa lífinu gildi.En hjálpin er ekki langt undan. Á örfáum árum hafa heyrnartæki þróast og batnað mjög mikið. Nútímaheyrnartæki búa yfir fjölmörgum eiginleikum sem gera þér kleift að greina betur talmál.Helen Adams Keller (1880-1968), bandarískur rithöfundur og fyrirlesari, var bæði heyrnarlaus og blind frá því hún var eins árs gömul. Þrátt fyrir það lærði hún bæði að tala og skrifa. Hún sagði: „Við að missa sjónina tapast samband við hluti en við að missa heyrnina missir maður samband við fólk.“

Hvernig finnurðu hvort þú eigir við heyrnarskerðingu að etja?

Svör þín við eftirfarandi spurningum geta gefið vísbendingu:

1. Áttu erfitt með að heyra sömu hljóð og aðrir heyra svo sem fuglasöng?
2. Hváirðu oft?
3. Hækkarðu oft það mikið í sjónvarpi eða útvarpi að öðrum finnist það óþægilegt?
4. Finnst þér aðrir muldra?
5. Hefurðu són í eyrunum?
6. Biðurðu aðra stundum að segja þér hvað sagt var á fundum sem þú varst á?
7. Áttu erfitt með að skilja þegar þú talar í síma?
8. Ef kliður er áttu þá erfitt með að ná því sem er sagt?
9. Hefurðu verið að staðaldri í miklum hávaða og þá sérstaklega í vinnunni?
10. Heyrirðu varla þegar dyrabjallan eða síminn hringja?
11. Finnst þér auðveldara að skilja raddir karla en kvenna?

 Hafirðu svarað játandi einhverjum af þessum spurningum þá getur ástæða þess verið heyrnarskerðing.Til að fá úr því skorið er mælt með því að þú farir í greiningu hjá heyrnarfræðingi eða háls-, nef- og eyrnalækni.

Hvers vegna hrakar heyrninni?

Heyrnarskerðing er af nokkrum gerðum en henni er oftast skipt í tvo flokka: leiðni- og skynheyrnarskerðingu (leiðslutap og skyntaugatap). Þegar um er að ræða leiðniskerðingu þá ná hljóðbylgjur ekki að berast inn í innra eyrað. Vandinn stafar af meini í hlust eða miðeyra þar sem þrjú smábein leiða hljóðið inn í innra eyrað. Tappi af eyrnamerg, gat á hljóðhimnu, bólga í miðeyra, brotin beinakeðja í miðeyra eða galli í gerð beina miðeyrans geta valdið leiðniheyrnarskerðingu. Oftast má ráða má bót á leiðniheyrnarskerðingu með lyfjum eða skurðaðgerð.Í 90% tilvika er um skynheyrnarskerðingu að ræða. Orsakir hennar eru oftast þær að hin örfínu skynhár í innra eyranu hafa annaðhvort brotnað eða skaddast. Skynhárin nema hljóðbylgjur og breyta þeim í rafboð sem berast til heilans um heyrnartaugina en heilinn túlkar rafboðin sem hljóð. Skynheyrnarskerðing er oftast tengd öldrun en getur einnig stafað af hávaðaálagi, höfuðáverkum, sýkingum, aukaverkun lyfja eða verið arfgeng. Hvorki er unnt að lækna skynheyrnarskerðingu með lyfjum né læknisaðgerðum. Sumir geta verið bæði skyn- og leiðniheyrnarskertir en slík flokkast sem blönduð heyrnarskerðing.Menn geta heyrt þrátt fyrir skynheyrnarskerðingu en þeir heyra ekki allt hljóðrófið. Oft dofna eða hverfa veikir hátíðnitónar svo sem fuglasöngur. Skerðing á hátíðnihljóðum talmáls svo sem /s/ rýrir talskilning. Ekki bætir það úr skák að hávær hljóð, t.d. frá viðmælanda sem hrópar, hljóma jafnhávær í eyrum þess heyrnarskerta og þess sem hefur fulla heyrn.Sem betur fer geta heyrnartæki í flestum tilvikum hjálpað heyrnarskertum og gera þeim kleift að heyra hljóð sem annars væru þeim glötuð. Það leiðir einnig til þess að sú þrúgandi einangrun, sem oft er afleiðing heyrnarskerðingar, hverfur.Rannsóknir sýna að fullorðnir, sem nota heyrnartæki, njóta lífsins á margan hátt betur, sjálfsmat þeirra vex og þeir eiga auðveldar með að umgangast annað fólk.

Hvað er til ráða við skynheyrnarskerðingu?

Mikil framför hefur orðið í gerð heyrnartækja, allt önnur hljóðvinnsla en fyrir nokkrum árum.Nútímaheyrnartæki, sem eru afar fullkomin, geta verið smágerð og lítið áberandi. Þökk sé stafrænni tækni en með henni má sníða virkni þeirra fullkomlega að þörfum notandans. Sum heyrnartæki eru meira að segja það fyrirferðarlítil að þau hverfa á bak við eyra eða inn í hlust.Bætt lífsgæði geta verið á næstu grösum. Og með því að leita hjálpar gefurðu þér, fjölskyldu þinni og starfsfélögum veglega gjöf þegar þeim finnst ekki lengur erfitt að tala við þig. 

Ellisif Katrín Björnsdóttir heyrnarfræðingur hjá Heyrn ehf

ellisif@heyrn.is